Sojoji sun Kashe 'Yan Bindiga da yawa a Sakkwato
managarciya
0
173
An kashe 'yan bindiga da yawa a kauyen Kuzari cikin karamar hukumar Sabon Birni dake jihar Sakkwato.
A cikin sojojin da ke bata kashi da maharan ya samu rauni an dawo da shi a birnin jiha domin ba shi magani, haka ma majiyar da ta labartawa manema labarai ta tabbatar da kwato kayan yaki da babura da sauran kayayyaki a hannun maharan, daga baya kuma sun kona kauyen.
Daya daga cikin sojojin da ke fagen daga ya ce maharan sun kai wani farmaki ne kafin su auka masu, "Muna sintri ne a wuraren da ke da hadari a karamar hukumar Sabon Birni anan ne muka afkawa maharan a kauyen Kuzari a yankin kurawa, mun yi ba ta kashi da su kafin a ci karfinsu su gudu.
"Jami'an sun kashe su da dama sun kwato makamai da baburansu, daga baya aka tattara mashinan aka cinna masu wuta," a cewarsa
Ya ce Mashin 10 aka kwato sojan da aka harba a kafa yana karbar magani a asibitin sojoji ta Sakkwato. Bai bayyana adadin 'yan bindigar da aka kashe ba, ya ce mutanen da ke wuraren ne kadai za su iya bayyanawa in sun tattara gawar mutanen.
Sabon Birni na fama da harin 'yan bindigar sama da mutum dubu biyar ne aka raba da muhallansu a karamar hukumar in da suke gudun hhijira a Nijar da wasu kanan hukumomin jihar Sakkwato.
A cikin wannan satin nan ne aka labarta kashe mahaifiya da matar sanannen dan bindigar nan Bokkolo dake addabar mutane saman hanyar Isa da Sabon Birni, shi ya tsare amma an kashe yaransa da dama.
