Turkiya Za Ta Taimaka Jigawa Kan Kasuwancin Noma
managarciya
0
38
Jamhuriyar Turkiyya ta bayyana aniyar ta na taimakawa gwamnatin jihar Jigawa wajen bunkasa sana'ar noma.
Jakadan Turkiyya a Najeriya Hidayet Bayraktar ya ba da wannan tabbacin ne a lokacin da ya ziyarci jihar Jigawa domin duba kamfanin Malam Alu Agro Allied.
Mista Hidayet Bayraktar jakadan Turkiyya a Najeriya ya yaba da kokarin gwamnatin jihar Jigawa na inganta ayyukan noma a jihar.
Jakadan wanda ya ziyarci Kamfanin Malam Alu Agro Allied a Birnin Kudu, ya bayyana mamakinsa da dimbin jarin da kamfanin Agro-Allied da ya gani a gonar.
Ya yi ikirarin cewa ya je jihar Jigawa ne domin tantance hanyoyin da jihar ke da shi na hada-hadar kudi.
Mista Hidayet, wanda ya kara da cewa sana’ar noma da hadin gwiwar noma na da matukar muhimmanci ga jamhuriyar Turkiyya, ya kuma kuduri aniyar hada hannu da gwamnatin jihar Jigawa domin bunkasa harkar noma.
Sa hannun jarin a cewar Faruk Adamu Aliyu, shugaban kamfanin noma na Malam Alu, kadan ne gudunmuwar da yake bayarwa wajen bunkasa noma a Najeriya.
Ya kuma yabawa kokarin gwamnatin jihar Jigawa na bunkasa harkar noma da ayyukan noma a jihar.
A tare da Gwamnan Jihar Jigawa Muhd Badaru Abubakar, an zagaya da jakadan a gonar.
