Bafarawa ya koma jam’iyar APC
managarciya
Tsohon gwamnan Sakkwato Alhaji Attahiru Dalhatu Bafarawa ya koma jam’iyar APC kamar yadda ya tabbatar da kansa.
Bafarawa da magoya bayansa sun bayyana komawa jam'iyar APC a babban xakin taro na gidansa dake jihar Sakkwato a ranar Laraba.
Tsohon Gwamnan ya ce magoya bayansa huldarsu da jam'iyar APC za ta kasance ne a tsakanin shugaban qungiyar magoya bayansa Farfesa Hamza Maishanu da jam'iya.
"Siyasar da nake faxin na bari ita ce ban shiga takarar kujera kowace iri, amma ina son magoya bayana su samu nasara."
"Akwai 'yan siyasar kwangila da neman muqami dana maula duk in da ta juya can za su je, a lokacin da nake gwamna ban gane irin wannan halin sai da na sauka."
Komawar Bafarawa a APC bai zo da mamaki ba ganin yadda hulxa ta qullu tsakaninsa da jam'iyar APC a jiha musamman yadda yake yabon Gwamnan Sakkwato Ahmad Aliyu, da yawan mutane suna zaton zai shiga APC kamar yadda ya faru a yanzu.
